ಸರಿಯಾಗಿ ನೆನಪಿದೆ ನನಗೆ

ಸರಿಯಾಗಿ ನೆನಪಿದೆ ನನಗೆ, ಇದಕೆಲ್ಲ ಕಾರಣ ಕಿರುನಗೆ

ಮನದಾ ಪ್ರತಿ ಗಲ್ಲಿಯೊಳಗು ನಿನದೆ ಮೆರವಣಿಗೆ

ಕನಸಿನ ಕುಲುಮೆಗೆ ಉಸಿರನು ಊದುತ

ಕಿಡಿ ಹಾರುವುದು ಇನ್ನು ಖಚಿತ ಖಚಿತ

ಸರಿಯಾಗಿ ನೆನಪಿದೆ ನನಗೆ, ಇದಕೆಲ್ಲ ಕಾರಣ ಕಿರುನಗೆ

ಕಣ್ಣಲೇ ಇದೆ,ಎಲ್ಲ ಕಾಗದ,ನೀನೆ ನನ್ನಯ ಅಂಚೆ ಪೆಟ್ಟಿಗೆ

ಏನೇ ಕಂಡರೂ,ನೀನೆ ಜ್ಞಾಪಕ,ನೀನೆ ಔಷದಿ,ನನ್ನ ಹುಚ್ಚಿಗೆ

ತೆರೆದು ನೀನು ಮುದ್ದಾದ ಅಧ್ಯಾಯ

ಸಿಗದೆ ಇದ್ರೆ ತುಂಬಾನೇ ಅನ್ಯಾಯ

ನನ್ನಯಾ,ನಡೆ ನುಡಿ,ನಿನ್ನನೇ ಬಯಸುತ

ಬದಲಾಗುವುದು ಇನ್ನು ಖಚಿತ

ಸರಿಯಾಗಿ ನೆನಪಿದೆ ನನಗೆ, ಇದಕೆಲ್ಲ ಕಾರಣ ಕಿರುನಗೆ

ನಿನ್ನ ನೃತ್ಯಕೆ,ಸಿದ್ಧವಾಗಿದೆ,ಅಂತರಂಗದ,ರಂಗಸಜ್ಜಿಕೆ

ನಿನ್ನ ನೋಡದಾ ,ನನ್ನ ಜೀವನ,ಸುದ್ದಿಯಿಲ್ಲದ,ಸುದ್ಧಿಪತ್ರಿಕೆ

ಸೆರೆ ಸಿಕ್ಕಾಗ ಬೇಕಿಲ್ಲ ಜಾಮೀನು

ಸರಸಕ್ಕೀಗ ನಿಂದೇನೆ ಕಾನೂನು

ಕೊರೆಯುವಾ ನೆನಪಲಿ ಇರುಳನು ಕಳೆಯುತ

ಬೆಳಗಾಗುವುದು ಇನ್ನು ಖಚಿತ

ಸರಿಯಾಗಿ ನೆನಪಿದೆ ನನಗೆ, ಇದಕೆಲ್ಲ ಕಾರಣ ಕಿರುನಗೆ