ಮನಸೇ ಓ ನನ್ನ ಮನಸೇ

ಮನಸೇ ಓ ನನ್ನ ಮನಸೇ
ಏನಾಗಿದೆ ನಿನಗಿಂದು ನನ್ನ ಮನಸೇ
ಚೆಲುವೆಯ ಸ್ಪರ್ಶದಿಂದ ಕರಗಿ ಹೋದ ಆ ಘಳಿಗೆ
ಬಿಡದೆ ಕಾಡಿದೆ ನನ್ನ ಮನಸಿನ ಓಳಗೆ

ನೀನು ನನ್ನ ಸನಿಹ ಇದ್ದ ಆ ಕ್ಷಣಗಳು
ಮರೆಯಲಾಗದಂಥಹ ಸುಂದರ ನೆನಪುಗಳು
ಪದೇ ಪದೇ ಆ ನೆನಪು ಕಾಡುತಿಹುದು
ನಾ ಮಲಗಿದಾಗ ರಾತ್ರಿ ಕಂಡ ಕನಸಿನಲ್ಲಿ ಅಂದು
ಆ ಕನಸನ್ನು ನನಸಾಗಿಸಲು ಹೊರಟಿಹೆ ನಾನಿಂದು

ಸೂತ್ರದಾರ ಆಡಿಸಿದ ಕೈಗೊಂಬೆಯಂತೆ
ನನ್ನ ಬಾಳಾಪುಟದಲಿ ನೀ ನಲಿದಾಡಿದೆ
ಆ ನಲಿದಾಡಿದ ಸವಿ ನೆನಪುಗಳನ್ನು
ಯಾವುದೇ ಕಾರಣಕ್ಕೂ ನನ್ನಿಂದ ಮರೆಯಲಾಗದು

ನೀ ನನ್ನ ಜೊತೆಯಲ್ಲಿ ಇದ್ದಂಥ ದಿನಗಳಲ್ಲಿ
ಬರಿ ಕನಸಿನ ಮೂಟೆಯನ್ನೇ ಹೋತುತಂದೆ
ಆ ಕನಸಿನ ಮೂಟೆಯನ್ನು ನನಸಾಗಿಸಲು
ನಾ ಮಾಡಿದ ಪ್ರಯತ್ನವು  ಫಲಿಸದೇ
ಕಾಮನ ಬಿಲ್ಲಿನಂತೆ ಕರಗಿ ನೀರಾಗಿ ಹೋಯಿತು