ಶಾಪ

ಯಾರ ಶಾಪವೋ ಏನೋ ಕಾಣೆ
ನನಗಾಗಿದೆ ಇಂದು ವಂಚನೆ
ಮುಗಿಲ ತಾರೆಯ ಹಾಗೆ ಬಂದು
ಕಂಗೊಳಿಸದೆ ಮರೆಯಾಗಿಹೆ ಇಂದು

ಸರ್ವ ಋತುಗಳ ನಡುವೆ
ಮನದ ಬಯಕೆಯ ಪ್ರೀತಿಗೆ
ತಂಪೆರೆಯಲು ಹೋಗಿ
ಮೋಸವೆಂಬ ಬಲೆಯಲ್ಲಿ ಸಿಲುಕಿದೆನಿಂದು

ಬರಿ ವೇದನೆಯು ಎದೆ ತುಂಬಾ ತುಂಬಿ
ಮೂಕವಾಗಿದೆ ಈ ನನ್ನ ಮನವು
ನೊಂದು ಬೆಂದ ಮನಕೆ ಸಾಂತ್ವನ ಹೇಳುವ
ದನಿಯ ಹುಡುಕುತ ಹೊರಟಿಹೆ ನಾನಿಂದು

ನನ್ನ ಮನದಾಳದ ಮಾತನ್ನು ಹೇಳಲು
ಯಾರಿಲ್ಲ ನನಗೆ ನನ್ನವರೆಂದು ....
ಇದ ತಿಳಿದು ಚಾಚಿಹಳು ಭೂದೇವಿ  ತನ್ನ ಹಸ್ತವಾ
ನಿನ್ನ ಜೊತೆ ಸದಾ ನಾನಿರುವೆನೆಂದು